Zaninah Pro Fight ṭan a ni dawn

Zothan Autoworks LPS Pro Fight chu zanin dar 8:00 hian R.Dengṭhuama Indoor Stadium, Mualpuiah neih ṭan a ni dawn a, zaninah bout sawm a awm nghal ang.

LPS buatsaiha a vawi ruk nana neih tur Pro fight-ah hian cham-pion lai pali nen boxer 415-in champion kawnghren an inchuh dawn a, vawi 405 inhnek a awm dawn a ni. Pro fight-a inhmachhawn tur boxer-te hi kum 17 aṭanga kum 40 inkar an ni a, mipa boxer zingah kg 48 aia zâng tan tel theih a ni lo bawk.

Kuminah hian a vawi khat nan hmeichhe inhnek thlir tur a awm dawn a, hmeichhe pual hian weight category pathum telh a ni. Hmeichhia tan weight categroy pathum siam a nih rual hian category tinah boxer pariat tal an tel zel a ngaih avangin boxer paruk chiah awmna middle weight-ah inelna kalpui theih a ni dawn lo a, exhibition bout buatsaih sak an ni thung dawn.

Quarterfinal hmain zan 20 inhnek en tur a awm dawn a, October 5
aṭanga 8 chhungin quarterfinal khelh a ni ang a, October 10 leh 11-ah semifinal, October 13-ah title chuh tur zawnna final, October 15-ah weight hrang pasarihah title fight buatsaih a ni ang.

Zanin inhnek tur

Bout - 10

Lightfly : Lalremsiama (Rangvamual) v Lalchhanhima (New Vervek)

Boika Zorinzuala (Champhai) v Lalhruaitluanga (Melriat)

Lalmalsawma (Zemabawk Berawlui) v Zosangliana (Thingsulthliah)

Lalhruaitluanga (Meidum) v Lalruatkima (Mamit Field Veng)

Bantam : Lalremthanga (Vairengte) v Vanlaltlingzova (Chhiahtlang)

Moris VL Zirdika (Lengpui) v David Lalremruata (Thingsul Tlangnuam)

Zomuanpuia (Tualte) v Lalruatkima (Mamit Field Veng)

Light : Thanghmuliana (Tanhril) v Samuel Lallawmawma (College Veng)

Vanramenga (Tanhril) v Didiha Apeto (Dampa Rengpui)

Middle : Lalduhawma (North Chaltlang) v H Vanramengmawia (Lamzawl)

Thlirna Tawi

Tel tura ziah luh :

411 (mipa 382, hmeichhia 29)

* Champion lai chhiar tel an ni lo

Weight hrang hranga boxer zat :

Mipa

Lightfly 137

Bantam 110

Light 86

Middle 34

Lightheavy 15

Hmeichhia

Fly 12

Light 11

Middle 6