India U16 squad-ah Mizo pahnih

Asian Football Confederation (AFC) Under 16 Championship khelh tur atan India coach Nicolai Adam chuan player 21 awmna squad a puang a, Mizo rawlthar pahnih Lalengmawia (Apuia) leh Joseph Vanlalhruaia te chu India U16 team-a koh zingah an tel.

India squad-a Mizo pahnihte hi midfielder ve ve niin Apuia hi Vaivakawn rawlthar a ni a, Hnahthial rawlthar Joseph-a hi tun hnaia India senior team tana koh Shillong Lajong rawlthar duh-awm Isaac Vanmalsawma nau a ni.

September 15 aṭanga Goa-a khelh ṭan tur inelnaah hian Asia khawmualpui aṭangin ram 16 an inlan dawn a, India hi Group A-ah United Arab Emirates, Iran leh Saudi Arabia te nen awm hoin an match hmasa ber chu inelna ṭan niah UAE nen an khel ang.

India U16 squad

Goalkeepers:

Dheeraj Singh Moirangthem,

Prabhsukhan Singh Gill,

Mohammad Nawaz

Defenders:

Boris Singh Thangjam, Jitendra Singh,
Mohammed Sarif Khan, Mohamad Rakip, Gaston D'Silva, Narender

Midfielders:

Sanjeev Stalin, Suresh Singh Wangjam, Khumanthem Ninthoinganba Meetei, Amarjit Singh Kiyam, Komal Thatal,
Aniket Anil Jadhav, Lalengmawia,
Saurabh Meher, Joseph Vanlalhruaia

Forwards:

Aman Chetri, Rahul Kannoly Praveen, Nonganba Singh Akoijam