HSS zirlaite tan Heritage Quiz buatsaih

INTACH, Mizoram Chapter leh School Education department ṭangkawp chuan, September 10, 2016 khan Chaltlang Higher Secondary School-ah pawl 11 leh 12 zirlaite tan Heritage Quiz Competition an huaihawt a, sikul 15 aṭangin naupang 96 an tel.

School Education deputy director Lalrambuatsaiha chuan quiz buatsaih chhan sawiin, ram chhunga hmun hlui leh hmingthang, hmasáng aṭanga awm tawhte leh Mizo pípúte sûlhnû leh hmun hlui humhalh leh hlut kawngah naupang leh ṭha-laite an harh theihna tur zirlai puitu a nih vang a nih thu a sawi.

Quiz-ah hian Mizoram chhunga aṭangin zawhna sawm leh Mizoram páwn aṭangin zawhna sawm an siam a; a ti
ṭha pangate'n zawhna panga káin an chháng leh a ni. Quiz-a tel zawng zawngte certificate pek an ni a; pakhatnain Rs. 3,000, pa-hnihnain Rs. 2,000 leh pathumnain Rs. 1,000 an dawng a ni.

Hetitage Quiz hi INTACH Mizoram Chapter convener P Rohmingathanga'n a kaihruai a a ni.