Super Over-ah Delhi Capitals an chak

Indian Premier League match hnihna chu Pathianni zan khan Dubai International Stadium-ah khelh a ni a, Delhi Capitals leh Kings XI Pubjab te over 20 khelh zawhah an inhnehtawk. Super Over-ah Delhi Captials an vannei ta zawk a, run khatin an chak.

Kings XI-in vawm hmasak an thlang a, Delhi tan Marcus Stoinis (53), Shreyas Iyer (39) leh Rishabh Pant (31) te an che ṭha a, over 20-ah run 157/8 an siam. Punab-in chakna hun ṭha neiin Mayank Agarwal-a'n run 89 zet vaw chhuak mah se thlawptu ṭha a neih loh avangin run 157/8 tho an siam. 

Super over hmangin chak zawk zawn a ṭul a, Kings XI an chesual, super over-ah run hnih chauh siamin wicket hnih an hloh. Delhi tan hna harsa a awm tawh lo a, ball li dah bangin run thum siamin hnehna an chang. IPL match hnih khelh tawh a la hmuhnzawm zel a, zanin hian Rajasthan Royals leh Chennai Super Kings te an inkhel ang.