Rodgers a inngaitlawm

Leicester City mana-ger Brendan Rodgers chuan ṭul lo taka boruak rit insiam chawp a duh lo a, an tan Premier League nomawi chuh chu sawi chi a nih rih loh thu a sawi chhuak.

Foxes hian season hmasa tir lamah khan Liverpool leh Manchester City an elphak, season chawhnu lamah erawh an zuih. Tun season-ah pawh match hmasa pahnihah hnehna an chang - Pathianni zan khan an mikhual Burnley chu 4-2 in an hneh.

Rodgers chuan, "Match hnih chauh a la ni a, nomawi sawi theih a la ni lo. Match 10 kan khelh tlin hunah meuh chuan thil awm dan tur a lang uarh thei ang, season hmasa kha kan hre reng tur a ni ang," tiin a sawi. Kum 47 mi Brendan Rodgers hian Premier League-ah match 210 chhung a naute a kaihhruai tawh a, ṭum 100 hnehna a chang. British manager zingah hetiang mellung phun tura ani aia hun mamawh tlem chu Sir Alex Ferguson, Sir Kenny Dalglish leh Kevin Keegan te chauh an ni hial.