Player-ten rinna an hloh ang - Djokovic

Jannik Sinner an hremna chuan sawi zui a hlawh zel - world number 1 hlui Novak Djokovic chuan thuneitu lamin hremna an lekkawh ṭhin dan chu mak a tih thu a sawi a, player-ten an chungah rinna an nghat ngam lo thuai dawn niin a sawi.

Italian tlangval Sinner hian damdawi hman phal loh a hmang ngei a, vawi hnih endik a nih hnuah pawh finfiah a ni. Mahse, World Anti-Doping Agency leh International Tennis Integrity Agency te an inrawlh a, a hnua hremna a hmachhawn tak chu thla thum chhung chauh a ni.

Grand Slam vawi 24 champion tawh Djokovic chuan, "Zep tur a awm lo, tun dinhmunah chuan mipa leh hmeichhe tennis player-te hian WADA leh ITIA chunga rinna an nghah chu an hloh mek a ni," tiin a sawi.

Damdawi hman phal loh chungchangah mi hrang hrangin hremna an lo hmachhawn tawh, ṭhenkhatin hun rei tak hremna an tawrh laiin ṭhenkhat erawh a rei lo thung. Daniil Medvedev pawhin tun hnai kha mi zawng zawng angkhata en a ṭul a tih thu a lo sawi ve tawh bawk.