Hyderabad lamah Santana a pem

Indian Super League club Hyderabad FC chuan Spanish striker Aridane Santana chu season khat chhung atan contract an ziahpui a, season hmasa khan Odisha FC tan a lo khelh tawh avangin Indian football-ah a mikhual lo. 

Kum 33 mi striker hian season hmasa khan hliam vangin league season-a khar thei lo a, hetichung hian league match 14-ah goal kua khungin assist vawi hnih a la nei hman cheu a ni. Santana chuan, "Hyderabad ka zawm thei hi ka lawm takzet. Coach Manolo Marquez hi Spain lama a club lo enkawl tawh ṭhin avangin ka hmelhriat a, coach ṭha tak a ni," tiin a sawi. 

Hyderabad FC hian Santana hma hian ram pawn player pali an nei tawh a, Australian striker Joel Chianese, Brazilian midfielder Joao Victor leh Spanish midfielder Lluis Sastre chu an player lak thar niin Spanish midfielder Nestor Gordillo an kawl sa bawk.