Old Firm Derby-ah Celtic an chungnung

Kum li hnua a vawi khat nan Scotland mai ni lo, Europe-a derby ngaihven hlawh ber pawl Old Firm derby khelh a ni a, Brendan Rodgers-a enkawl Celtic chuan Rangers lakah 5-1 in hneh-na an chang.

Celtic rawlthar duh-awm Moussa Dembele chuan hattrick siamin khelmuala player langsar ber a ni a, kum 20 leka upa French forward hi kum 1966 hnua Old Firm derby-a Celtic player goal thum khung thei hmasa ber a ni - Scotland striker Leigh Griffiths inhliam vang chauha bul
ṭan a la ni zui!

Mualneitu Celtic tan an player tharte an langsar hle - Nipui trans-fer a Fulham aṭanga Celtic zawmtu Dembele bakah hian Aston Villa aṭanga an lakluh Scott Sinclair chuan goal khat a khung a, Stuart Armstrong chuan injury time-ah goal khat a khung ve bawkin Rangers tana Joe Garner-a goal khungin nghawng a nei thui lo.

Celtic player-te an derby hmasa berah parvul mah se Rangers defender thar Philippe Senderos erawhin a Old Firm derby hmasa ber hi theihnghilh a duh ang - Arsenal player hlui hi minute 75-naah hnawhchhuah a ni.

Liverpool boss hlui Brendan Rodgers chuan, "Hnehna ropui tak kan chang a, a lawmawm a ni. Vawiina hnehna kan chan hi a pawimawh a, he result hian hmalam pan zel turin min pui ang. Fan-ten min ṭawiawm
ṭha takzet a, khatiang
ṭawiawmna nen kha chuan player 12-a khel ang mai kan ni," tiin a hlim hle.