PSG che fuh thei lo

Ligue 1 champion lai Paris St Germain-in season bul an ṭan fuh lo a, kartawp inkhelah Saint-Etienne nen 1-1 a an inhnehtawk avangin Lille sawptu AS Monaco chu league table-ah an tluk lo mek.

A zawna league no-mawi vawi nga chawi tum mek PSG hian an match hnuhnung zawkah Monaco 3-1 in an hneh lo tawh a, Saint-Etienne lakah hian Lucas Moura chuan minute 72-naah penalty aṭangin goal hmahruai khung mah se hun tawp dawnah Robert Beric chuan an siphurh a sut a, hun tawp zuiin 1-1 in an inhnehtawk.

Inkhel dangah Mo-na-co chuan Djibril Sidibe, Adama Traore, Fabinho leh Kamil Glik te goal khat ṭheuh khung hmangin Lille an sawp. Lyon pawh-in beisei an phak lo chhunzawm zel a, a zawna an vawi hnih chak lohna ni turin Bordeaux chu 3-1 in an hneh.

Tun season Ligue 1 khelh mekah Monaco, Guingamp leh PSG ten match thum an khelh
aṭangin point sarih ṭheuh an hmu tawh a, goal dif-ference nei ṭha lo ber Unai Emery naute hi pathumna an ni mek.

Champions League nomawi duh vanga lakluh Spanish manager Emery-a'n Thawhlehni zan hian fiahna a hmachhawn dawn a, a zawna Europe League nomawi vawi thum chawi thei manager hian Arsenal a mikhual dawn a ni.