Mumbai City an chak zel

Indian Super League khel tura inbuatsaih Mum-bai City chuan UAE lama tour an neihnaah result duhawm an neih chhunzawm zel a, karhmasa khan UAE second division club Dubai SC chu 2-1 in an hneh. Mumbai tan hian Ajax striker hlui Gaston Sangoy leh Corinthians midfielder ṭhin Matias Defederico te chuan goal khat ve ve an khung.

Mumbai hian AFC Champions League finalist Al-Ahli chu August thla tawp lam khan 2-1 in an lo hneh tawh a, karhmasa-a Dubai SC nen an inhmachhawn hma hian UAE League-a vawi sarih lai champion tawh Al-Wasl chu goal khat ve ve khungin an inhnehtawkpui bawk.

Italian legend Gian-luca Zambrotta enkawlna hnuaia khel Delhi Dynamos chuan Swedish league club Bollklubben chu 2-2 in an inhnehtawkpui bawk a, Chelsea midfielder hlui Florent Malouda chuan Delhi club tan hian goal hnih a khung.

Hetihlai hian Italy-a pre-season hun hmang mek Chennaiyin FC pawhin hnehna an chang a, Marco Materazzi kaihhruaina hnuaia khel club hian Serie D club ASD Gualdo Casacastalda chu 1-0 in an hneh.