Hart-a'n Italian ṭawng a hmang tawh - Mihajlovic

Torino coach Sinisa Mihajlovic chuan Manchester City aṭanga loan-a an hawh Joe Hart rilru put hmanga a lawm thu a sawi.

Mihajlovic chuan, "Hart hi kan lakluh hma khan a rilru put hmang ka hre duh a, telephone kaltlanga ka biak pawh khan tumruhna a nei tih ka hre thei a ni. Tunah hian Italian thumal 30-50 vel chu a hre tawh a, training-naah pawh defender te biak nan Italian a hmang," tiin England no. 1 keeper a fak.

Torino defender Cesare Bovo pawhin Hart hi fakin, "A ṭawngkam hman a dik tawk lo tih chu ka hria a, keipawh in English dik thlapin ka hmang thei bik lo. A thil sawi tum kan hre thei a, kan team-ah hian a tlatlum tawh hle a ni. Team hmaa a inpholan hmasak ber ṭum pawhin player-te kan lawm tlang a ni," tiin a sawi.

Torino hian nizan khan Serie A-ah Atalanta an hmachhawn a, result kan hre hman lo.