Jeho-a ten silver dawng

Jeho Himna-kulh-puingheta khelhna India Team A chuan India Junior and Cadet Open – International Table Tennis Federation Premium Junior Circuit 2016 Cadet Boys-ah silver medal an la. Jeho-a leh a ṭanpui Anu-kram Jain te hian khawvel pum huap pawha TT thiam ram Chinese Taipei chu final-ah an hneh lo.

September 7-11 chung-a Indore, Madhya Pradesh a neih zawh tak he inelnaah hian Jeho-a hi singles-ah a khel lo a, doubles-ah chiah a inlan. Lunglei Salem Veng rawl-thar hian national level leh international level-ah te record ṭha tak tak a nei chho mek zel a, kumin June thla a Chandigarh a khel zawh tak TTFI National Table Tennis Championship-ah pawh khan Sub Junior Boys singles-ah India ram champion a lo ni tawh.

Mizo rawlthar duh-awm hian chawimawina hrang hrang dawng tawhin National Child Awards for Exceptional Achievement 2015 chu nikum December thla khan India President hnen atangin a dawng nghe nghein USAM Sports Award 2016-ah pawh khan Most Promising Player of the year chawi^-mawina a lo dawng tawh bawk.