India fapa rangkachak Thangavelu

Rio Paralympics neih mekah Inrinni khan India tlangval Mariyappan Thanga-velu chuan mipa high jump T-42-ah gold medal a la a, he inelnaah tho hian India aiawhtu pakhat zawk Varun Singh Bhati chuan bronze medal a la bawk.

Tamil Nadu state a thingtlang khaw pakhat Periavadamgatti a piang Thangavelu hian Indian high-jumper zinga Para-ly-mpics gold la thei hmasa ber ni turin 1.89m a sang a zuang. Bhati pawhin a mimala a zuan
ṭhat ber ṭum tawngin 1.86m a sang a zuang a, pahnihna chu United States tlangval Sam Grewe a ni thung.

Sports Ministry chuan Paralympic Games-ah hian Indian gold medallists te chu chung nuai 75 an pek dawn bakah medallists (Rs 50 lakh) leh bronze medallist hnenah (Rs 30 lakh) an pek tur thu an lo sawi tawh a ni.