Leicester-in Cengiz Under an lalut

Premier League club Leicester City chuan AS Roma aṭangin winger Cengiz Under chu season khat chhung atan loan-in an lalut a, loan-a hman zawh hunah a ngheta lakluh theihna dan an nei bawk. 

Kum 23 mi Cengiz Under hian Roma tan season thum chhungin inelna hrang hrangah match 88 khel tawhin goal 17-a khung a, assist vawi 12-a nei bawk - season hmasa khan Serie A-ah match 18 khelin goal thum a khung. 

Under chuan, "England-a inkhelh hi ka chak fo ṭhin a, ka tan chuan tun hun hi Premier League-a khelhna remchang tak a ni," tiin Foxes a pan chhan a sawi. Leicester City-ah hian Under ang thoa Turkish mi Caglar Soyuncu chu a khel bawk a, Under chuan, "Ka ṭhian ṭha ber pawh he hmunah a khelh avang hian ka mikhual lo hle a ni. 

"Caglar nena kan khel dun thei tur hi ka lawm a, amah vang hian Leicester City inkhel pawh ka en phah fo a ni," a ti. Foxes manager Brendan Rogers chuan attacking player danglam bik an mamawh thu a lo sawi tawh a, Under chu, "Player ṭha bik a ni," tiin a fak zui.