Bale nen buaina kan nei lo - Zidane

Real Madrid boss Zinedine Zidane chuan Gareth Bale nen buaina an neih loh thu a sawi chhuak a, French manager chuan, "In ngaihdan ang a ni lo a ni," tiin Bale nen mimal inhuatna nei anga sawi an ni chu a pha. 

Zidane chuan, "Bale nen hian engtiklai mahin buaina ka nei ngai lo. Tunah chuan a khelhna a thlak tawh dawn a, duhsakna hlan mai hi kan tih tur chu a ni," a ti. French coach chuan Bale chu player ṭha tak a ni tih a phat ngai loh thu sawi zawiin, "Bale nen kan inkara thil thleng tam tak an sawi hi chu football-a thleng ve ṭhin reng a ni a, player ṭha tak a nih thu hi chu ka sawi fo ṭhin a ni. 

"Club tana a hnathawh pawh ka hria a, a theihna a pholang fo ṭhin a, kan club tana a hnathawh pawh hnial theih a ni lo," a ti a, a chhawr duh loh player chuan Real tana hna ṭha tak a thawh thu a sawi. 

Bale hian Zidane-a enkawlna hnuaiah hmun a chan phak loh avangin loan-in amah siam liantu Tottenham Hotspur a pan a, London club-ah beiseina a sang khawp ang.