Sands leh Safarova thiam ber

US Open 2016 hmei-chhe doubles-ah Bethanie Mattek-Sands leh Lucie Safarova te chuan seeded pakhatna Caroline Garcia leh Kristina Mladenovic te ṭangdun chu 2-6, 7-6 (7/5), 6-4 a hnehin a vawi thum nan Grand Slam nomawi an chawi.

United States leh Czech Republic nula in-kawpte hi nikum khan Australian Open leh Roland Garros-ah an lo champion tawh a, final a chak lo zawk French nulate hi kuminah an ramah an champion thung.

Khawtual nula Sands chuan, "Arthur Ashe Sta-dium-ah hetiang dinhmun kan tawng thei hi a ropui a, a bik takin vawiin hi October 11 a nih avangin hnehna chan hi a hlu zual," a ti. October 11, 2001 khan firfiakten US an bei a, he ni champha a hnehna chan a hlut thu a sawi hi a mak lo.

Grand Slam pali zinga lawmman sum tamna ber US Open doubles cham-pion hian $625,000 (Rs 4,18,17,156.25) an insem a, pahnihna hian $310,000 (Rs 2,07,41,309.50) an dawng thung a ni.