A match hmasa berah Hart a chesual

Manchester City keeper Joe Hart-a'n amah thlaktu Claudio Bravo chet chhiat hnuah City manager thar Pep Guardiola chhanletna hun remchang nei mah se Torino tana a match hmasa berah a mualpho nghal a, Atalanta laka 2-1 a an tlawmna inkhelah a tihsual vangin a club thar hnehna a chanpui zo lo.

Torino hian Iago Falque hmanga goal hmahruai an khung hnu lawkah Joe Hart a chesual a, City aṭanga Italian club loan-a zawmtu hian corner aṭanga ball lo kal chu a nam chhuah zawh loh avangin Andrea Masiello chuan Hart-a ben per ball hi an si phurh sut nan a lo khung.

England tana vawi 66 inlan tawh keeper hian minute 82-naa penalty an chawiin a hmingchhiat thairehna remchang nei mah se Atalanta tana pettu Franck Yannick Kessie chuan chiang zetin a bum a, Serie A-a a match hmasa berah Hart a mualpho chiang hle.

Torino coach Sinisa Mihajlovic chuan, "Hart khan corner aṭangin
ṭha takin a save a, goal luh danah erawh kha aia ṭha zawka veng thei kha a ni. Mahse, player chuan tihsual palh an nei thei a, ka thinrimna ber zawk chu kan zir anga kan khelhchhuah lohin a ni," tiin English keeper a dem duh lo.