Real defender Pepe tan contract thar a hnai

Real Madrid chuan an defender pawimawh Pepe chu contract thar ziak tura inbiakna neihpui an tum a, ruahmanna anga enkim a kaltluang a nih chuan Portuguese centre-back hian Santiago Bernabeu-ah June 2019 thleng cham turin contract thar hi a ziak ang.

Spanish club tana season 10 zet khel tawh Pepe hian June, 2017 thleng Real tana khel turin contract a nei mek a, a contract neih lai ang hi chuan January transfer bazar inhawn hunah season thara zawm turin a club duh zawng chu indawrna a neihpui thei dawn tihna a ni.

Kum 33-a upa Pepe hian Real Madrid-ah hian Champions League (2), La Liga (2) Spanish Cup (2), Spanish Super Cup (2), UEFA Super Cup (2) leh FIFA Club World Cup nomawi chawi tawhin champion theihna zawng zawngah a champion pui vek tawh a, contract thar hi a ziak a nih chuan kum 35-a upa a nih thlengin Real tan a khel ang.