A chung berah Kerber

US Open hmeichhe singles champion Angelique Kerber chu hmei-chhe world number 1 thar a ni ta. Thawhṭannni khan WTA chuan ranking thar ber hi ti chhuakin Kerber hian point 8730 a hmu a, a chung berah a awm.

Kum 2013 February thla a ranking chhuak a-
ṭang-in Serena Williams chu number 1 a ni char char a, American star hian chawlhkar 166 chhung zet chu hmun chungnung ber hi a luah. Mahse, kuminah a khelh ṭhat tawk loh avangin German nula lakah a dinhmun a hloh.

Kum 28-a upa Kerber hi kum tirah kha chuan world number 10 a ni a, Grand Slam hmasa ber Australian Open leh a hnuhnung ber US Open-ah a champion a, Wimbledon leh Rio Olympic-ah final lut bawkin tun dinhmun hi a thleng ta a ni.

Steffi Graf hnua Ger-man hmeichhe zinga he dinhmun luah leh thei hmasa ber Kerber chuan, "Tunah chuan ka lo puitling takzet ta tih a chiang. Ka naupan lai aṭanga ka Icon ni reng Stefi-i lo awm tawh ṭhinna hmuna ka awm ve ta mai hi a nuam ka ti takzet," tiin a sawi.

Mipa lamah Novak Djokovic a la chungnung ber zel a, Grand Slam vawi 17 champion tawh Roger Federer chu US Open-a a inlan loh avangin pasarihnaah a tawlh thla thung. US-a hlawhtling hlim Stan Wawrinka chu pathumna niin Rafael Nadal chu pangana aṭangin palinaah a chho bawk.