India-ah Rafael Nadal leh Spain

Davis Cup World Group Playoff khel turin Thawhṭanni zing khan Spain team chuan Indira Gandhi International Airport an rawn thleng a, world number 4 Rafael Nadal a tel ve avangin mipui ngaihven an hlawh zual hle.

Spain hian team member 20 zet an rawn huai a, September 16-18 chhung hian India nen RK Khanna Tennis Complex, New Delhi-ah an inhmachhawn dawn a ni.

Grand Slam vawi 14 champion tawh Nadal chuan, "India hi ka vawi khat kalna a ni lo a, he hmunah hian min ṭantu leh min ngainatu an tam avangin nuam ka ti hle," tiin a sawi.

Tun ṭum Spain team-ah hian Nadal leh David Ferrer te chu hming langsar an ni a, anni pahnih bakah hian world number 137 Saketh Myneni leh Ramkumar Ramanathan (203) te aiawh hi India player-te tana hmachhawn hautak tur an ni.

Spain hian Davis Cup-ah sulhnu an nei ṭha hle a, kum 2004 hnulamah chauh pawh vawi nga champion tawhin an champion hnuhnung ber erawh kum 2011 daih tawh kha a ni thung.