Gary Neville a beidawng?

England leh Manches-ter United defender hlui Gary Neville chuan coa-ching chu hun rei tak chhung atan chawlhsan a duh thu a sawi chhuak! He thu a sawi chhan hi tun hnaia a hna pahnihah a hlawhchham vang nia ngaih a ni.

Kum 41-a upa Neville hian nikum December thla khan Valencia a enkawl
ṭan a, inelna hrang hrangah match 28 a khelh pui
aṭanga vawi 10 chiah hneh-na a chanpui theih avangin a hna a zawn aṭanga thla li pawh tling loah ban a ni. Euro 2016-ah an ram assistant manager niin Roy Hodgson nen an thawkdun a, Iceland hneh loa mualpho taka an tlak hnuah a hna hi a bansan bawk.

Neville chuan, "Tun hnaiah chuan football coaching hna hi ka thawk thei tawh rih lo! Kum nga chhung vel tal chu ka chawl hial mai thei. Ka chawl hlen pawh a ni thei a, mahse hmalam hun erawh a la chiang vek lo. Mi
ṭhenkhat chuan coaching-ah ka hlawhchham let derah an ngai a ni thei, mahse ka ngaihdanah erawh a ni lem lo thung," tiin a sawi.

Spain-a a hun hman chungchang sawiin, "Thla li lek ni mah se England manager zingah tun hnai kum 15-20 chhunga La Liga club lian enkawl awm chhun ka ni. Valencia-ah khan ṭawng ka thiam lo a, kan inbiak pawhna a ṭhat loh avangin dressing room boruak a ṭha thei lo," a ti.

Neville hi Manchester United tana a khelhpui ṭhin Ryan Giggs, Nicky Butt, Paul Scholes leh a unaupa Phil Neville te nen National League club Salford City neitu an nih bakah Hotel Football lamah a inhman bawk avangin coaching lam a ngaihthah rih dawn nia ngaih a ni.