Sabalenka leh Swiatek an kal zel

Tennis inelna Dubai Championship khelh laiah Aryna Sabalenka leh Iga Swaiatek te chu hma lam panin an kal zel a, player langsar dang Coco Gauff leh Ema Raducanu te erawh an khingpui hneh loin an zinkawng a tawp thung.

Thawhlehni zan Centre Court-a inkhelah, seeded pakhatna Sabalenka hian Veronia Kudermetova chu 6-3, 6-4 in a hneh a, Belarusian star hian last 16-ah chuan Clara Tauson a hmachhawn leh dawn a ni.

Iga Swiatek tan pawh harsatna lian tham a la awm lo - Polish star hian Victoria Azarenka chu 6-0, 6-2 in a hneh a, quartefinal lut tur chuan Dayana Yastremska a paltlang leh a ngai ang.

Emma Raducanu erawh a chak rei thei lo. Bristish nula hian Karolina Muchova chu 7-6 (6), 6-4 in a hneh lo a, second round paltlang zo loin a zinkawng a tawp, ama service a hum ṭhat tawk loh a tuar.

Gauff pawh a che fuh lo - American nula hi world number 50 hnuai lam lakah a tlawm khat hle, kum 2023 Wimbledon khan Sofia Kenin (128) a ngam lo, a hnuah chuan tun ṭum hi rangking sang zual 50 zinga tel lo a ngam loh lehna hmasa a ni.

World number 53 McCartney Kessler chuan Gauff hi 6-4, 7-5 in a hneh. Inkhel dangah Elena Rybakina, Jessica Pegula leh Paula Badosa te chuan round sang zawk an inhlangkai vek thung a ni.