ICC Champions Trophy India inlan dawn

Cricket inelna ngaihhlut hlawh, ICC Champions Trophy chu nimin khan khelh ṭan a ni a, vawiinah India an inlan dawn - Men in Blue hian chawhnu dar 2:30-ah Bangladesh an hmachhawn ang.

Champions Trophy-ah hian team pariatin inelna an hmachhawn a, group pahnihah, team pali ve ve awma ṭhen hran niin, group A-ah India hi an awm a, Bangladesh bakah New Zealand leh Pakistan te nen an awm ho.

Group pahnih aṭangin a sang pahnih ve vein semifinal an lut dawn a, match khat chak loh hi a pawi thui thei - Rohit Sharma captain-na hnuaia khel India hian hmelma kumhlun Pakistan leh New Zealand an la hmachhawn dawn avangin chetsual a thiang dawn lo.