Hlawhtling turin ka thawkrim - Matic

Chelsea-in Premier League an champion-na kawngah Nemanja Matic-a'n goal khat chiah a khung a, chutichung chuan player pawimawh ber zinga chhiar tel a ni.

Serbian midfielder Matic hian August 2009 khan Benfica aṭangin Chelsea a zawm a, beisei a phak loh avangin London club-in David Luiz lakluhna remchangah hmangin Portuguese club-ah an hralh let leh. January 2014 khan a ṭum hnih nan Jose Mourinho-a'n Chelsea-ah a la lut.

Benfica midfielder hlui Matic chuan, "Chelsea tana ka khelh hmasak zawk ṭum khan midfielder ṭha Lampard, Essien leh Ballack te an awm a, anni hnen aṭang khan thil tam tak ka zir a ni. Ka la naupang a, thla nga ka inhliam chhung khan senior player-te khan min ṭawiawm ṭha hle," tiin Chelsea tana khelh hmasak ṭum a sawi.

Kum 26-a upa Matic chuan sawi chhunzawmin, "Coach zawng zawng khan football khel tlakah min ngai a, mah se ka chak tawk loh thu min hrilh. Premier League-ah chuan chak a ngai a, midfield thunun tur chuan a ngai lehzual. Ka taksa ti chak turin gym ka pan nasa a, Chelsea ka zawm vawi hnihnaah hi chuan a hma ai khan ka chak tawh zawk a ni," tiin hlawhtling tura a thawhrim thu a sawi.