Valencia president Amadeo Salvo a bang

Valencia president Amadeo Salvo chuan a mimal leh chhung­kaw lam harsatna vangin Ningani khan a nihna aṭanga a ban thu a puang. A hmunruak hi Chan Layhoon-a'n a hnawhkhat ang.

Kum 48-a upa Salvo rual hian sports director Francisco Rufete, secretary Fabian Ayala leh club official pangate chuan La Liga club hi an chhuahsan nghal bawk. Club a chhuahsan chhan hi a mimal nun bakah a pa cancer vanga damlo enkawl a duh vang nia ngaih a ni.

Spain pachal Salvo hian season hmasa khan a club a kaihruai ṭha hle a, kum 2013 hnua a vawi khat nan Champions League khel turin dinhmun ṭhaah a club hi a hruai kai.

Thuchhuah siamin Valencia president kalchhuakta Salvo chuan, "Thuthlukna siam awlsam tak chu a ni lo chiang, mahse ka mimal nun leh chhawngkaw nun ka ngaihpawimawh hmasak a ngai si a ni. Fan-te min ṭawiawm tawhnaah ka lawm a, theihtawpin he club tan hian ngaihtuahna ka la seng chhun­zawm zel ang," tiin a sawi.