Lampard-a'n New York City FC training-a zawm

Chelsea legend Frank Lampard chuan a club thar New York City FC tan a training hmasa ber a nei a, MLS-a a match hmasa ber July 12-a Toronto nen an khelh hunah inlan thei tura beisei a ni.

Kum 37-a upa Lampard hian nikum nipui transfer lai khan New York City FC pan turin thutlukna a siam a, mahse MLS lama khel mai loin New York City FC neitute zinga mi club tho Manchester City-ah loan-in a kir leh phawt a ni.

England international hlui hi Barcelona striker hlui David Villa te nen New York club tan hian an khelho dawn a, Juventus midfielder Andrea Pirlo chuan a zawm ve dawn nia sawi thuthang a awm mek bawk.