Mumbai City player-manager tur Anelka

October 3 aṭangin Indian Super League khelh ṭan a ni dawn a, ISL club te pawn thawm an nei lian sawt hle.

Mumbai City FC chuan player-manager turin Nicolas Anelka an ruat a, Chelsea striker hlui hian player anih angin thla thum chhung khelh tur tournament-ah hian India pawisa in vaibelchhe nga a hlawh dawn a, manager a nihna anga a hlawh hi a hranpa a pek a ni leh bawk ang.

Europe-a club lian ber ber Paris Saint-Germain, Arsenal, Real Madrid, Liverpool leh Manchester City te tan pawha lo khel tawh Anelka hian coaching lamah tawnhriat a la ngah lo hle a, kum 2012 khan Chinese Super League club Shanghai Shenhua tan player-coach hna a lo chelh tawh tih loh chu tawnhriat a la nei lo a ni.

Kum 36-a upa French striker chuan Mumbai City FC neitu ten club enkawl tura an rintawk vangin a lawmthu a sawi.