NorthEast United coach thar Cesar Farias

ISL club NorthEast United chuan an manager thar turin Venezuala boss hlui Cesar Farias an la lut.

Farias hian kum 2011 khan Copa America-ah Venezuala chu a vawi khat nan semifinal-a luh pui a, Venezuala senior team enkawl chunga a enkawl tel Venezuala U-20 team chu kum 2009 khan an ram chanchina a vawi khat nan FIFA U20 World Cup-a khelhpui bawk.

Venezuala-a club lar ber pawl De­portivo Tachira te pawh lo kaihruai tawhtu Farias chuan NorthEast United a zawm thei chu a lawmthu sawiin a club enkawl mai bakah India football hmasawn nan theihtawp chhuah a tum thu a sawi.

Kum 42-a upa Farias hi September 2011 khan Kolkata-a Argentina leh Ve­ne­zuala te'n friendly match an khelh ṭum­in India-ah a lo zin tawh a ni.

NorthEast United hian coach atan Farias an lakluh hma hian marquee player atan Portugal international ṭhin Simao Sabrosa chu an lo la lut tawh bawk a ni.

Kum 35-a upa Portuguese winger hi a vanglai chuan Barcelona, Benfica leh Atletico Madrid te tan a lo khel tawh ṭhin.