Schweinsteiger-a hmalan hun ama kutah a innghat - Guardiola

Bayern Munich coach Pep Guardiola chuan tun hnaia Manchester Uni­ted nena an sawizawm mid­­fielder Bastian Schwein­steiger chu a hmalam hun tichiang turin a hriattir.

Guardiola chuan, "Schweinsteiger hian kan hnena cham zel a duh a nih chuan player ṭha tak a nih avangin kan tan chuan duhthusam a ni," a ti.

Kum 13 chhung Al­lianz Arena-a cham tawh Schweini chu thawhpui zel a chak thu sawiin Guardiola chuan, "Season tharah pawh Basti nena thawk dun zel turin ka inbuatsaih a ni. Basti hian a hmalam hun a tihchian vat a ngai a, a hmalam hun chu ama kuta a innghah thu ka hrilh tawh a ni," tiin Basti chuan a hmalam hun a tihchian vat a ngaih thu a sawi.

Kum 30-a upa Schwein­­­steiger hian Bayern tan a khelh chhung­in Bun­desliga title vawi riat lai a chawi tawh a, Champions League-ah vawi khat a champion bawk.

Manchester United manager Louis van Gaal leh Bayern youth aca­­de­my chhuak Schwein­steiger te hi LVG-a'n Bayern a enkawl laiin an lo inhrawn tawh a, Dutch manager hian old Trafford lamah Germany international hi hruai luh a duh nia sawi a ni.