Sunderland-ah Celtic defender Matthews

Premier League club Sunderland chuan Scottish champion Celtic aṭangin pound maktaduai 2 man Adam Matthews an la lut.

Kum 23-a upa Wales international hian kum li chhung cham turin Stadium of Light hi a pan a, Liverpool defender Sebastian Coates an lakluh hnua Sunderland-in player an lak leh hmasa ber niin Sunderland-in tlarhnung rem phui an tum hle.

Dutch coach Dick Advocaat a lawm a, "Adam-a'n kan squad a rawn zawm ve thei tur hi kan lawm takzet a, team elpui tham tak ni tur chuan a ni ang player quality ṭha hi kan mamawh a ni," a ti.

Wales tana vawi 12 lo inlan tawh defender hi Celtic Park-a kum li a cham chhungin Scottish Premiership title vawi li a chawi a, vawi 150 a inlanah goal nga a khung a ni.