Nigeria-in Keshi an ban

Inrinni khan Nigerian Football Federation (NFF) chuan kum 53-a upa Stephen Keshi chu coach aṭanga an ban thu an puang.

NFF-in an coach an ban chhan hi Keshi hian Ivory Coast coach hna a dil ve tih report a awm vang a ni.

Nigeria football thu­neitu sang chuan, "NFF Disciplinary Committee, NFF Technical leh Deve­lopment Committee ten coach hnathawh dan ṭha lai leh ṭha lo lai an report dan uluk takin kan belchiang a, ram tan a inpe tawk loah ngaiin a contract kan tihtawp sak," tiin NFF official website-ah an tarlang.

Keshi hian 2011 aṭang khan Nigeria hi a en­kawl ṭan a, 2014 FIFA World Cup-ah Round of 16 a thlenpui. France an hneh loh avangin Keshi hian hna aṭanga a ban thu sawi zet a, amaherawhchu NFF-in a contract an pawhsei sak avangin a thutlukna hi a sut leh thung.

NFF vice-president Barrister Seyi Akinwun­mi chuan, "Keshi thlak lailawk turin assistant coach Salisu Yusuf leh Shaibu Amodu, Technical Directorate of the NFF te chu ruat an ni," tiin a sawi.