Derby County-ah Tom Ince

Championship club Derby County an inlak belh zel a, Real Madrid assistant manager Paul Clement an lakluh hnua an player parukna turin Hull City winger Tom Ince an la lut.

Kum 23-a upa English winger manah hian Derby hian pound maktaduai 4.75 an thehchhuak nia sawi a ni a, an club chanchina an player manto ber a ni.

Ince hian season hmasa kha loan-in Derby-ah hian hun a lo hmang tawh a, match 18 a inlanah goal 11 zet a khung.

Clement chuan Ince an la lut thei chu an lawm tih sawiin, "Talent nei ṭha tak kan lakluh avangin ka hlim takzet a ni. Season hmasa he hmuna a hman laia a khelh dante ka thlir kir a, player ṭha team tana ṭangkai tak a ni," a ti.

Derby hian Ince an lakluh hma hian Darren Bent, Alex Pearce, Scott Carson, Chris Baird leh Andreas Weimann te an lo la lut tawh a ni.