Match khata goal 38 khung thei Fiji

Fiji chuan interna­tional football match khata goal khung hnem ber record siamin Pacific Games-ah Micronesia chu 38-0 in an sawp. Pathiannia Port Moresby hmuna inkhelah hian Fiji tan Atonio Tuivuna chuan goal 10 zet a khung.

Oceania Football Confederation tourna­ment Pacific games hi Rio 2016 Olympic a inlan tur zawnna a ni. An match hmasa zawkah Tahiti lakah 30-0 a an tlawm tawh bawk avangin Micronesia hian match hnihah goal 68 teh meuh an chhuah a ni.

Kum 2002 World Cup Oceania confederation qualifier a Australia-in 31-0 a American Samoa an lo hneh tawh record chu an rawn khum chiang hle. Fiji hian he inelnaah hian record siam chiang hle mah se Micronesia ram hi FIFA-ah an inziah luh loh avangin match khata goal khung hnem ber record chu Australia hian an la chelh chhunzawm dawn thung.