Man United ka hnar kha ka inchhirna awmchhun a ni - Riquelme

Kum 2005-06 season khan Argentine midfielder Juan Roman Riquelme chuan Sir Alex Ferguson sawmna a hnar a, a thuthlukna avang khan tun thlenga a inchhir thu a sawi.

Kum 37-a upa Riquelme chuan, "Ka football khelh hunchhunga ka inchhirna awmchhun chu England-a hotel pakhata ka thutlukna kha a ni. Semifinal-a Arsenal kan hmachhawn dawn ṭumin Manchester United-in lei tumin min rawn dawr a, ka hnar. Villarreal tana khelh zel ka duh chhan kha chu ka teammate-te nen khan kan thawhhona a ṭhat vang a ni," tiin sawi.

Argentine midfielder Riquelme-a'n United a hnawl takah chuan Sir Alex-a'n kum 2006 khan Tottenham Hotspurs aṭangin Michael Carrick a la lut.

Barcelona midfielder hlui Riquelme hian 2005-06 season khan Villarreal chu Champions League semifinal a thlen pui a, Arsenal an hneh lo. Argentine midfielder hian Boca Juniors tana a khelh laiin Copa Libertadores nomawi vawi thum a chawi pui a, Interto Cup-ah Villarreal vawi hnih a champion pui bawk.

Kum 2008 Olympic-ah Riquelme hian Argentina chu gold medal a lakpui a, 2000 leh 2011 chhung khan Argentine Footballer of the Year ṭum li a ni bawk.