Paris-ah Powell a che ṭha

France khawpui Paris a neih mek Diamond League-ah Inrinni khan Jamaican sprinter Asafa Powell chu 100m intlansiakah pakhatna a ni. Usain Bolt inlan ve thei lo mah se Powell hian an ram tan innghana tlak a ni tih a pholang chiang hle.

Kum 32-a upa Powell hian second 9.81 chhunga tlan thlengin, kumina 10mm intlansiak awm tawh zinga tlan thleng rang ber pahnihna record a siam. Kumina mipa tlan chak ber chu American sprinter Justin Gatlin niin second 9.74 chhungin 100m a tlan thleng thei a ni.

Kuminah mipa sprinter ṭha tak tak Powell leh Gatlin te an chet ṭhat bakah Bolt-a'n tel theih ngei a tum avangin August thla a neih tur World Athletic championship-ah chuan 100m intlansiak hi mipui ngaihven ber tura ngaih a ni.

Hmeichhe lamah pawh Jamaica hi an duai lo hle a, Olympic champion Shelly-Ann Fraser-Pryce chuan 100m-ah hnehna a chang bawk. Kum 28-a upa Fraser-Pryce hian second 10.74 chhunga tlan thlengin kuminah ani aia tlanchak an la awm lo.