Galatasaray-ah Podolski a kal

Lukas Podolski chuan Arsenal chhuahsanin Ga­la­tarsaray a zawm a, kum thum atan contract a ziak.

German striker man­ah Turkish club hian Lon­don club hi pound mak­taduai 1.8 an pe phawt anga, Champions League khel tura an tlin chuan Galatasaray hian pawisa an pek belh leh ang.

Kum 30-a upa Poldolski hian kum 2012 khan pound maktaduai 11-in FC Cologne aṭang­in Arsenal a zawm a, Gunners tan match 82 khelin goal 31 a khung.

Kum 2013 khan Bayern Munich striker hlui hian FA Cup-ah Arsenal a champion pui a. Amaherawhchu Arsene Wenger-a'n Mesut Ozil, Alexis Sanchez leh Danny Welbeck te a la lut a, Theo Walcott, Olivier Giroud leh Alex Oxlade-Chamberlain te an awmsa bawk avangin Podolski hian season liamta chawhnu lam khan khelhna hmun tam zawk beisein Inter Milan-ah loan-in a kal.

Galatasary president Dursun Aydin Ozbek chuan, "Podolski hi hun rei tak chhung lak tumin kan enthla tawh a, kan lak luh theih takah chuan supporter-te pawh an lawm khawp ang. Kan hnehah hian hun rei tak a cham theih kan beisei," tiin 2014 FIFA World Cup-a Germany champion puitu striker chungchang a sawi.