Match ruk atan Thuram an hrem

Borussia Moncheng-ladbach forward Marcus Thuram chu an khingpui player laka a chet dan mawi lo tak vangin match ruk chhung inkhel thei lo tura hrem a ni a, hei bakah hian £36,300 chawitir a ni bawk.

Kum 23 mi Thuram hian Hoffenheim an hneh loh ṭumin defender Stefan Posch chu chil a chhak khum. Replay ennawn a nih hnuah a thil tih hi chiang takin a lang, hei vang hian German football Association chuan hremna hi an ti chhuak a ni.

German chanchinbu lian Bild tarlan dan chuan a pawisaa chawi tur hi £136,200 thlenga tihsan theih a ni a, heng pawisa hi ṭanpui ngaite tan sem chhuah a ni ang. Monchengladbach sporting director Max Eberl chuan, "Marcus hian a tihsual a pawm," a ti. Thuram hi France tana World Cup chawitu Lilian Thuram fapa a ni. Thuram chuan, "Khatiang thil kha thleng lo tur a ni a, kan khingpui ka beih let dan kha a dik lo. Ka thil tihsual vangin ngaihdam ka dik takzet," tiin a inchhir thu a sawi ve bawk.