A thlengtu Pakistan an tlawm nghal

ICC Champions Trophy chu National Bank Stadium, Karachi-ah February 19, Nilaini aṭangin khelh ṭan a ni a, New Zealand chuan a thlengtu Pakistan chu 60 runs-in an hneh. Vawiin hian group B an inkhel ṭan dawn a, chawhnu dar 2:30-ah Afghanistan leh South Africa te an inkhel ang.

Inelna thlengtu Pakistan hi ṭhumvawrah an vannei a, vawm hmasak n thlang. Black Cap tan opener Will Young-a'n 107 runs a siam a, Devon Conway (10), Kane Williamson (1) leh Daryl Mitchell (10) ten thlawp ṭha lo mah se Tom Latham a che ṭha.

Wicketkeeper Latham hian thi loin ball 104 lekah 118 runs a rawn siam, Glenn Phillips-a'n 61 runs siam bawkin 320/5 runs an siam. Pakistan bat hun a thleng a, target sangha an talbuai. An chhuanvawr Babar Azam-a'n 64 siam mah se New Zealand captain Mitchell Santner (66/3) leh Will O'Rourke (47/3) te an ngam lo. Over 47.2-ah 260 runs siamin an thi fai vek.