Indian Wells-ah Venus Williams

March thlaa khelh tur Indian Wells chuan duhsak takin Venus Williams hnenah wildcard an pe a, hmeichhe tennis world number 1 hlui hian qualifying khelh hah ngai loin tournament a hmachhawn nghal thei dawn tihna a ni.

Kum 44 mi Venus hi a vanglai chuan khawvela a ṭha berte zinga mi a ni ṭhin, mahse, tunah chuan a vanglai pel tawhin a inkhel tam tawh lo, world ranking-ah pawh 974-na a ni daih.

Kum 2023 August thla hnu lamah tournament pangngai a la khel leh lo a, inkhel tam lo mah se anmahni rama inelna neih hi a ngaihlu a, a inlan thei tur hi a tan chuan chanchin lawmawm a ni ngei ang.

Venus Williams bakah hian Wimbledon vawi hnih champion tawh Petra Kvitova pawh wildcard pek a ni. Kvitova hian nikum July thla khan fa a nei a, inkhelh chawlhsan mai loin a khel leh thei dawn a ni.