Sabalenka tlak laiin Swiatek a chak

Tennis inelna Dubai Championship khelh laiah, hmeichhe world number 1 Iga Swiatek chuan Dayana Yastremska hnehin quarterfinal a invaw kai a, champion tura rinkai Aryna Sabalenka erawh a chak lo.

Last 16 an khelh hmain world number 1 Sabalenka hi chak tura rinkai a ni a, mahse mi hriat hlawh tam lo Clara Tauson lakah 6-3, 6-2 in a chak lo zawkah a ṭang.

Kum 22 mi Tauson chuan, "Match hmasa kan khelh rei avangin zanah mutna hun ka nei tlem a, darkar nga vel chauh ka mu. Chutiang chunga ṭha taka ka khel chhuak thei hi ka lawm hle," a ti. Sabalenka hmain Elina Svitolina a lo hneh tawh bawk.

Dane nula Tauson hian world number 1 a hneh vawi khatna a ni hial, a match lehpekah chuan Linda Noskova a tum ang - Noskova hian inkhel dangah Jessica Pegula chu 6-3, 7-6(8) in a lo hneh ve thung a ni.

Inkhel dangah seeded pahnihna Iga Swiatek erawhin Dayana Yastremska chu 7-5, 6-0 in a hneh. Polish nula hian Peyton Sterns 6-1, 6-1 a hnehtu Mirra Andreeva chu nizan khan a hmachhawn leh thung a, result erawh kan hre hman lo.

Champion lai Jasmine Paolini erawh Sofia Kenin lakah 6-4, 6-0 in a chak lo. Kenin hian seeded parukna Elena Rybakina a tum leh ang - Rybakina hian seeded pakuana Paula Badosa chu 4-6, 7-6(8), 7-6(2) in a hneh ve thung a ni.