Top four thlen kan tum - Enzo Maresca

Chelsea boss Enzo Maresca chuan top four-a season khar a, Champions League khelh phak chu an tum ber a nih thu a sawi. Italian manager chuan, "Tun season-ah top four kan ni deuh reng a, match 13 khelh tur la awmah hian top four nih ngei kan tum," a ti.

London club hian an league match hnuhnung berah Brighton & Hove Albion chu 3-0 ngawtin an hneh lo a, table-ah parukna ni mekin, palinaa awm chin Manchester City chu point khat chiahin an phak lo.

Enzo chuan, "Tuna kan club dinhmun thlir ila, player pawimawh paruk vel an inkhel thei lo mek. Heti chung hian top four ni turin theihtawp kan chhuah dawn a ni. Blues-ah hian hnehna chang a, nomawi beisei tura kal ka ni.

"A buaithlak chu kan chak tamin a tur ve rengah kan ngai a, kan tlawm hlekin, tum nei lo ang thawthangin tam takin min ngai ṭhin. Ka tum ber chu he club hi a awmna ṭhina hruai kir leh a ni," a ti.

Chelsea hian zanin dar 11:00-ah league match an khel dawn a, khualmualah Aston Villa an lenchilh ang.