Liverpool hmachhawn tur PSG

Champions League last 16 inkhel tur chu nimin tlai khan pawh a ni a, Premier League hmahruaitu Liverpool leh French champion Paris Saint Germain te an inhmachhawn dawng.

March 4-5 bakah 11-12 hian last 16 hi khelh a ni dawn a, Reds leh PSG inkhela chak zawk hian quarterfinal-ah chuan Aston Villa leh Club Brugge inkhela chak zawk an hmachhawn leh dawn a ni.

Last 16 inkhel tur dangah Real Madrid leh Atletico Madrid an intum dawn - Spanish club lian pahnih inkhel tur hi a boruak a sang leh dawn, a chak zawk chuan Arsenal leh PSV Eindhoven inkhela chak zawk an tum ve leh thung dawn a ni.

Bundesliga hmahruaitu Bayern Munich leh anmahni umtu Bayer Leverkusen an intum dawn a, German club ṭha pahnih kalkawngah hian Barcelona an awm thei dawn - an chak tluang a nih chuan Catalan club nen hian semifinal-ah an intawng ang.