Antetokounmpo a dam chiang ta

Hliam vanga match ruk a khelh theih loh hnuah Giannis Antetokounmpo a lo kir a, a hliam dam hnua a match hmasa berah a team Milwaukee Bucks chu Los Angeles Clippers lakah 116-110 in a chakpui.

Nimin zing NBA inkhelah Giannis Antetokounmpo hi minute 24 chhung a inlan a, point 23 a nei hman - a chawn hliam vangin NBA match panga baka All-Star Game pawh a khel ve thei lo, mahse tunah chuan a dam tawh.

NBA Most Valuable Player atana vawi li thlan tawh Giannis hi damkawr a la nih avangin inkhel pumpuiah erawh an la chhawr lo, ngaiawh leh tur chuan hun a la mamawh dawn.

Bucks tan hian Brook Lopez (22 points), Damian Lillard (15) leh Taurean Prince (14) te chuan hnehna an chan theih nan an thawh hlawk hlawm hle bawk a ni.

Inkhel dangah Los Angeles Lakers tan Nikola Jokic chuan a thiam thil a lantir, point 29 a neih bakah rebound vawi 17 a la a, a ṭhiante basket neih tur vawi kua siamsak bawkin Lakers hi Charlotte Hornets akah 129-115 in a chakpui.

NBA champion lai Boston Celtics chuan Philadelphia 76ers chu 124-104 in an hneh thung a, an chak theih nan point 28 neitu Jayson Tatum chu a thawh hlawk hle.