De Jong leh Barca indawr

Barcelona chuan an midfielder pawimawh Frenkie de Jong chu an hnena cham zel turin an thlem a, hetihrual hian Dutch midfielder hian season tawpah thutlukna siam chauh a tum.

De Jong hian June 2026 thleng cham turin Barca-ah hian contract a nei a, tun thlatir khan a agent Ali Dursun leh Barca sporting director Deco te chu inhmu mah se, season tawpa sawi ṭhat leh atan contract chungchang hi an dah ṭha rih.

Kum 27 mi De Jong hian Barca-a cham a pawi ti lo. Hetihrual hian fans sawiselna te, Barca-in hralh an lo tum tawhnate chu a ngaihtuah a, uluk taka rilru sen a, season tawpa thutlukna siam a duh - Hansi Flick berin cham tura a duh avangin chelh erawh a harsa lo tura ngaih a ni.

De Jong hian tun season-ah Barca tan match 24 khel tawhin, goal hnih a khung a, assist vawi khat a nei bawk. Catalan club hian zanin dar 1:30-ah league match khel turin Las Palmas an lenchilh ang.