Man United tum tur Real Sociedad

Manchester United chuan Europa League last 16-ah Real Sociedad an tum dawn - Spanish team hi an hneh a nih chuan Lyon leh FCSB inkhela chak zawk an tum leh dawn a ni.

Ruben Amorim an neih hnuah pawh Man United hian hma lam an la pan chuang lo a, Europa League hi an mualpho hliahkhuh theihna tur remchang a nih dawn avangin an ngai pawimawh hle ang.

Europa League hmain Premier League an ngaihtuah leh phawt a ngai dawn, zanin dar 6:00 hian league match khel turin Everton an tlawh dawn a ni.

Europa League last 16 hi March 6 leh 16-ah te khelh tur a ni dawn a, ruahman dan chuan May 21 hian Bilbao-ah a hmawr bawkna neih tur a ni ang.