UEFA president thar Ceferin

Aleksander Ceferin chu Europe a football thuneitu sang ber UEFA president thar atan thlan a ni. Football Association of Slovenia president Ceferin hian vote 42 a hmu a, a khingpui Dutch FA president Michael van Praag aiin vote 29 in a hmu hnem zawk.

Kum 48-a upa Ceferin hian France player hlui Michel Platini hmunruak a luah dawn a, kum 2019 thleng he dinhmun hi a chelh ang. Nikum khan Platini hi football kaihhnawiha inrawlh thei lo tura hrem a nih hnuah a hna a bansan.

UEFA president thar chuan, "Mi ṭhenkhat chuan kum naupang leh tawnhriat nei tlem tiin min sawisel a ni thei, kei chuan hruaitu tlak ka nih zia ka tilang ang. He pawl hi politics lakah kan la hrang tur a ni a, langtlang takin thuneihna kan kalpui ang a, mimal ham-
ṭhatna kan dah pawimawh lo ang," tiin a sawi.