State huap Karate inelna ṭan

Mizoram State Karate intihsiakna lian ber ni hnih awh tur All Mizoram Karate Association (AMKA) huaihawt Mizoram State Sports Council (MSSC) Ruby Jubilee 20th AMKA State Karate Championship 2016 nimin khan Electric Veng YMA Hall-ah ṭan a ni.

He inelnaah hian Aizawl, Lunglei, Cham-phai, Siaha-a Karate Dojo hrang hrang leh SAI, Aizawl leh Zirna School ṭhenkhat aṭangin Karate infiammi mipa 140 leh hmeichhia 80, an vaiin mi 220 an tel. He championship-ah hian Kumite leh Kata-a Individual event leh Team event category hrang hrang aṭangin Gold Medal 60 inchuhin intihsiakna hi neih mêk a ni - vawiin hian khar a ni ang.

AMKA hian 26-30 October, 2016 chhûnga Linz, Austria-a neih tûr khawvêl pum huapa Karate intihsiakna lian ber 23rd WKF World Karate Championship 2016-a India aiawha Senior Women +68 kg category-a khêl tûra Karate Asso-ciation of India (KAI)-in an rawn thlan fel tawh MS. Zonunmawii Champhai District chu theih-tâwp chhuaha buatsaihin training an pe a; tûnah hian Shihan C. Dosavunga, 5th Dan Black Belt (Japan) chuan Aizawlah State Training Camp a neihpui mêk a ni.