Bale-a'n Ballon d'Or a dawng thei ang - Redknapp

Harry Redknapp chuan Totten-ham lama a lo enkawl tawh Gareth Bale chu khawvela player ṭha berte zinga mi a nih thu leh engtikah emaw chuan Ballon d'Or a dawn a rin thu a sawi chhuak.

Redknapp hian Bale hi Spurs-a a lakluh ni lo mah se Wales inter-national chher liantu pawi-mawh a ni. A tira left-back ni ṭhin chu English manager hian winger atan a chher chhuak a ni.

Kum 69-a upa Redknapp chuan, "Ballon d’Or a dawng thei ang, a chhan chu tun dinhmunah khawvela player ṭha zual panga zingah a tel miau a ni," tiin a sawi.

A player hlui fak chhunzawmin, "Bale hi a tlan chak a, tawite tlan turah a chak em em bawk. Ball a tlanpui thiam a, pet goal tura a chiai ngai loh avangin khelmual chhungah buaina a nei lo. Leftback a nih lai khan khawvela ṭha ber ni thei tura theihna a neih zia ka hmu tawh a, a theihna a san em avangin tlarhma lamah kan sawn ta reng a ni," a ti.