Zanin dar 7-ah India vs UAE

2016 AFC U16 Championship chu vawiin aṭangin Goa-ah khelh ṭan a ni dawn. Inelna thlengtu India leh UAE te zanin 7:00 hian Pandit Jawarharlal Nehru Stadium, Margao-ah an inhmachhawn dawn a, Star Sports 2-ah inkhel hi a en theih ang.

AFC U16 khel tur India team-ah hian Mizo rawlthar pahnih Lal-engmawia (Apuia) leh Joseph Vanlalhruaia te an awm a, India inkhel bik hi Star Sports in an tihchhuah dawn avangin Vaivakawn leh Hnahthial rawlthar te inkhel hi a en theih dawn tihna a ni. India hi nakkum U17 World Cup thleng turin a inpuahchah mek a, coach Nicolai Adam tan tun inelna hi team dinhmun hriat nan a pawimawh ang.

Asia khawmualpuia kum 16 hnuai lam inelna hi kum hnih dana neih a ni a, kum 1985 aṭanga khelh ṭan a ni. China, Japan, North Korea, Oman, Saudi Arabia leh South Korea te vawi hnih ṭheuh an champion tawh a, nomawi vawi thum chawi thei an la awm lo.