Napoli tan Milik

Italian Serie A Club ṭha Napoli chuan Ajax aṭanga pound maktaduai 30-a an lakluh forward Arkadiusz Milik an hmang ṭangkai nghal. Poland international hian a club thar tana a Champions League match hmasa berah goal hnih khungin Dynamo Kiev lakah 2-1 in hnehna a chanpui.

Kum 22-a upa Milik hian minute 36 leh 45-naah goal khungin second half-ah Kiev tan midfielder Serhiy Sydorchuk chuan goal khatin chhanglet ve mah se awmzia a awm tawh lo. Serie A top scorer Gonzalo Higuain thlak tura lakluh Milik hian tunah rih chuan a hna a la tlin rih hle a, league lamah pawh match thum a khelh aṭangin goal hnih a khung tawh bawk.

Group B inkhel dang-ah Benfica tana Franco Cervi goal khung chu Besiktas tan Anderson Talisca chuan hun tawp hma chiaha sutin point khat ve ve an hmu.